ھاران: یازدہ سال پیش زورگریں پاکستانی لشکر ءِ دست ءَ زور بیگواہ کنگ بوتگیں ورنا آسپ سھیل ءِ کھول ءَ آئی آجوئی ءِ لوٹ کرتگ۔
زور بیگواھیں آسپ سھیل ءِ کھول ءَ گوشتگ کہ پاکستانی لشکر ءُ چیریں ادارھانی کارمنداں آسپ سھیل 27 اپریل 2013 ءَ زور بیگواہ کرتگ کہ مرچی 27 اپریل 2024 اِنت آئی یازدہ سال سرجم بوتگ انگت بیگواہ اِنت آئی ھچ وڑیں ھال مارا دیگ نہ بوتگ کہ آ چون ءُ کج ءَ اِنت۔
آسپ سھیل ءِ کھول ءَ آئی آجوئی لوٹ کرتگ ءُ گوشتگ کہ مئے زھگ ءَ زوت آجو بہ کن اِت ءُ مارا چہ اے دراجشکیں رنجاں بہ رکین اِنت۔