بلوچ یکجھتی کمیٹی ءِ سروک ڈاکٹر ماہ رنگ ماں چاگردی رسانکدر ایکس ءَ اکس کش کمانچر ءِ بیرانی دلپدری درشان کرتگ ءُ نبشتگ کہ کمانچر یک راجی ازمکارے اَت، آئی ءَ بلوچ سرڈگار ءِ زیبائی، بلوچ راج ءِ بزگی ءُ درپہ دری وتی ھاسیں ازم ءِ بھر کتگ اَنت۔ آئی ءِ اکس بلوچ ڈیھ ءِ راستی ءَ پیش دار اَنت۔
ڈاکٹر ماہ رنگ ءَ گوشتگ کہ چوناھا ایردستی ءَ بازیں ورنا وتی آس ءَ سوتکگ کہ آ تھنا پہ وت زندگ اَنت، بلے کمانچر باسما اَت، آئی ءِ گور ءَ مستریں ارزشت راج ءُ زمین ئیگ اَت اَنت۔ کمانچر ءِ وڑیں ازمکارے ءِ کسان اُمری ءَ روگ پہ راج ءَ یک مزنیں تاوانے۔
