بلوچستان لبریشن پرنٹ ( بی ایل ایپ ) ءِجارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں 25 اپریل 2026ءَ ھزدار ءِ ھند زاوہ ءَ دژمن ءِ کاروان ءِ سر ءَ ھما وھد ءَ سنگر گپتگ ءُ ارش کرتگ کہ آ چہ اے بنجل ءَ دومی بنجل ءَ روگ ءَ بوتگ۔ سرمچاراں گوں چیر کرتگیں شورھاں نشانگ کرتگ، ایشی آسر ءَ پوج ءِ گاڑی سرجم ءَ تباہ بوتگ۔ارشءَ گاڑی ءَ سواریں دو کارمند جاھی مرتگ ءُ دو ٹپی بوتگ۔
آئیءَ گوشتگ کہ دگہ یک کاروائی یے ءَ سرمچاراں 24 اپریل 2026 ءَ نوشکی ءِ ھند مل ءَ پولیس تانہ ءِ سر ءَ ارش کرتگ ءُ دستیگ کرتگ ءُ اود ءَ درسیں رھوتی سامان تباہ کرتگ اَنت۔ پولیس پیش ءَ ھم کڈن کرتگ اَنت کہ آ گھگیری مکن اَنت، پد ءَ ھم آیانی نیمگ ءَ گھگیری کنگ ءِ جھد ءَ کاروائی کرتگ یک پولیسے ٹپی بوتگ۔
جارکش ءَ گوشتگ کہ ھمے وڑءَ 24 اپریل 2026 ءَ سرمچاراں ھاران شھر ءَ پاکستانی پوج ءِ بنجل گوں گرنیڈ لانچر ءَ نشانگ کرتگ۔سرمچاراں پد ماں پد ءَ باز گولا آس داتگ کہ آ نشانگ کپتگ اَنت۔ ایشی آسر ءَ دژمنیں پوج ءَ جانی ءُ مالی تاوان بوتگ۔
آئیءَ گوشتگ کہ چہ ایشی ابید 23 اپریل 2026 ءَ بی ایل ایپءِ سرمچاراں ھزادار ءِ ھند زاوہ ءَ شال کراچی شھدگ سرجم ءَ بستگ۔ سرمچاراں دگ بندی داں سے اداراں برجاہ داشتگ ، اے میان ءَ گاڑی پٹ ءُ پول کرتگ اَنت دانکہ مساپر گاڑیاں پوجی، چاریک ءُ راشن بروکاں در بہ گیج اَنت۔ اے دگ بندی ءِ مول دمگ ءَ سرمچارانی کاروائیانی مھکم کنگ بوتگ۔
میجر گھرام بلوچ ءَ درشان ءِ گڈی ءَ درسیں کاروائیانی زمہ واری من اتگ۔
بنشون: درشان اکس: زرمبش
