کراچی: بیگواھیں بلوچانی توار ( وی بی ایم پی ) ءِ کارگشاد ءُ زور بیگواھیں ڈاکٹر دین مھمد ءِ جنک سمی دین ءَ ماں چاگردی رسانکدر ایکس ءَ دود ءُ ربیدگی روچ ءَ کراچی زھرشانی ءِ بارو ءَ نبشتگ کہ راج، راجی دود ءُ ربیدگی روچاں وتی دومانی پوشاک، زبان، لبزانک ءُ رواجانی سر ءَ پھر بند اَنت، بلے بلوچستان ءِ مردم اے روچ ءَ وتی شھید ءُ زور بیگواھیں مردمانی یاد ءَ گوازینگ ءَ اَنت۔
آئی ءَ گوشتگ کہ مزھبی مراگش بہ بنت یا چاگردی ءُ دودمانی رواج، بلوچ دگانی سر ءَ در کپ اَنت ءُ زھرشانی کن اَنت۔
سمی دین ءَ گوشتگ کہ بلوچ راج ءَ ھمے پیش داشتگ پہ وتی پدریچ ءُ باندات ءِ پھریزگ ءَ تیوک ءَ گھگیری ءِ لیکہ وتی کنگی اِنت۔ بلوچ دودمان گھگیری ءَ ابید ناسرجم اِنت۔
