گریشگ/کیچ: دوشی جتا جتائیں جاھاں بلوچ آجوئی لوٹوکیں سلاہ بندیں گل بلوچستان آجوئی سنگر ( بی ایل ایپ) بلوچ آجوئی لشکر ( بی ایل اے) ءُ بلوچ راجی آجوئی سنگر ( براس ) ءِ پلہ مرزی ءُ پاکستان ءِ گچینکاری ءِ بگیری ءَ دیوال نبیسی کنگ بوتگ۔
اھوالکار ءِ رد ءَ دوشی گریشگ ءِ میتگ، بدرنگ، جاورجی،گری، چیل، داردان،پوگی، پتنکنری ءُ کِر ءُ کشانی بازیں جاھاں دیوال نبیسگ بوتگ اَنت۔
ھمے وڑ ءَ دوشی کیچ ءِ جتائیں جاھاں کلبری کھن ءُ پرندوشی کیساک ءَ بلوچ آجوئی لوٹوکیں سلاہ بندیں گلانی پلہ مرزی ءَ دیوال نبیسی کنگ بوتگ۔
دیوالانی سر ءَ نبشتگ کہ بلوچ راج وت ءَ چہ پاکستان ءِ گچینکاری ءَ گستا بدار ایت ءُ وتی راجی شھیداں یاد بہ کنت۔
