
سند/نوشکے/ ھرنائی: زورگریں پاکستانی لشکر ءُ چیریں ادارھانی کارمنداں سے مردم آوار جتگ ءُ بیگواہ کرتگ۔
بنشون ءِ رد ءَ چہ سند سیون ءَ 17 جنوری 2025 ءَ بیگاہ ءِ شش ءَ پاکستانی لشکر ءَ مھمد جواد ء کدرت اللہ ھما وھد ءَ آوار جتگ کہ آ پہ سواد ءَ سند ءَ شتگ۔ زور بیگواھیں مھمد جواد شال ءِ جاہ منند اِنت کہ چہ ایشی پیش ھم پاکستانی لشکر ءِ دست ءَ داں ھپتگے ءَ بیگواہ کنگ بیتگ۔
زورگریں پاکستانی لشکر ءَ نوشکے ءَ بیڑ برتگ ءُ آسپ بلوچ نامیں ورنایے آوار جتگ ءُ بیگواہ کرتگ۔ زور بیگواھیں آسپ ء امر ھان کازی آباد ءِجاہ منند اِنت کہ پاکستانی لشکر ءَ چار جنوری 2025ءِ بامگواہ ءِ چارءَ چہ گس ءَ آوار جتگ ءُ برتگ کہ انگت بیگواہ اِنت۔
ھمے وڑ ءَ پاکستانی لشکر ءَ چہ ھرنائی، کانٹاپراگو ءَ مھمد دین مری ء لال ھان نامیں مردمے آوار جتگ ءُ بیگواہ کرتگ۔ انچوش گوشگ بوگ ءَ اِنت کہ مھمد دین مری ءِ یک براتے پاکستانی لشکر ءَ پیسر ءَبیگواہ کرتگ کہ انگت ءَ بیگواہ اِنت۔