بدوک: زورگریں پاکستانی لشکر ءَ پانگس ءَ لومز زانشتجاہ ءِ نودربرے آوار جتگ آدگہ نودربراں زھرشانی ءَ دگ بند کرتگ۔
زور بیگواہ کنگ بوتگیں نودربر ءِ نام مھبوب اِنت کہ تربت ءِ جھمنند اِنت۔ مھمبوب لومز زانشتجاہ اوتل لسبیلہ ءِ بی بی اے پنچمی سمسٹر ءِ نودربرے آ وتی موکلاں چہ اوتل ءَ دیم پہ گس ءَ روگ ءَ بوتگ کہ پاکستانی لشکر ءَ بندوک ءِ پانگس ءَ ایر کرتگ۔
مھبوب ءِ زوریں بیگواھی ءِ بگیری ءَ آدگہ نودربراں بدوک ءَ پاکستانی لشکر ءِ پانگس ءِ دیم ءَ زھرشانی ءَ دگ بند کرتگ۔
مھبوب ءِ زوریں بیگواھی ءِ گپ بیگواھیں بلوچانی توار ( وی بی ایم پی ) ءَ راست کرتگ ءُ ماں چاگردی رسانکدر ءَ آئی اکس شنگ کرتگ۔
بنشون ءِ رد ءَ کیچ ءِ بنجاھی شھر تربت سی ٹی ڈی ءَ مھراج نامیں ورنایے آوار جتگ ءُ بیگواہ کرتگ۔
بیگواہ کنگ بوتگیں مھراج ء امام شھیانی بازار تربت ءِ جھمنند اِنت مرچی سی ٹی ڈی ءِ ایس ایچ او گپار ءُ چیریں ادرھانی کارمنداں آوار جتگ ءُ بیگواہ کرتگ۔
