جرمنی: بلوچستان ءَ ریاستی زوراکی ءُ بلوچ یکجھتی کمیٹی ءِ سروکانی ناھکیں دزگیری ءِ بگیری ءَ جرمنی ءِ جاہ منندیں بلوچاں جرمنی ءِ شھر ھنوپر ءَ زھرشانی کرتگ۔ زھرشانی ءَ بی این ایم، بی آرپی ءُ پری بلوچستان موومنٹ ءِ باسکاں ھوار اود ءِ جاہ منندیں مردماں بازیں کچے ءَ بھر زرتگ۔
زھرشانی کنوکیں مردماں پاکستان ریاست ءِ زوراکیانی بگیری ءَ اوگام جتگ ءُ چہ میان استمانی انسانی ھکانی ادارھاں دزمانجنی کنگ ءِ لوٹ کرتگ۔
زھرشانی ءِ میان ءَ آیاں جرمنی ءُ انگریزی زبان ءَ پنتاک بھر ءُ بانگ کرتگ۔
آیاں تران کرتگ ءُ گوشتگ کہ بلوچستان ءَ زورگریں ریاست وتی سرجمیں زور ءَ پہ راجی زرمبشت ءِ ھلاس کنگ ءَ کارمرز کنگ ءَ اِنت۔ میان استمان ءَ پاکستان ءِ زوراکیانی سرءَ دلگوش گور کنگ لوٹ ایت۔
