شال ءَ چہ بی ایم سی ءِ ھاسٹل ءَ زور بیگواھیں ھدیجہ پرجان ءِ کھول ءَ زھرشانی نندانک ءِ پانزدھمی روچ ءَ زھرشانی روانکے کش اتگ۔ روانک ءَ جتائیں بھرگاں سیادی داروکیں مردماں بھر زرتگ۔
زھرشانی کنوکیں مردماں ھدیجہ پیرجان ءِ اکس ءُ پلے کارڈ دستاں بوتگ۔
کھول ءِ گوشگ اِنت کہ مارا چنچو روچ اِنت ما اد ءَ زھرشانی ءَ نشتگیں بلے چہ سرکار ءِ نیمگ ءَ پہ ھدیجہ پیرجان ءِ آجوئی ءَ ھچ وڑیں دلجمیں گامگیج زورگ نہ بوتگ۔ پمشکا ما لاچار بوتگ ایں کہ روانکے بہ کش ایں۔
آئی ءَ گوشتگ کہ ما گوں بلوچ راج ءَ دزبندی کن ایں کہ آ وتی مات ءُ گھارانی توار جوڑ بہ بنت۔
بنشون: اھوالکار اکس: اھوالکار
