بلوچ نیشنل موومنٹ ءِ انسانی ھکانی ادارہ پانک ءَ سمینہ بلوچ ءُ گل بانوک بلوچ ءِ زوریں بیگواھی گوں ترندیں دانکاں ایر جتگ ءُ انسانی ھکانی گنتریں لگتمالی لیک اتگ اَنت۔
آئی ءَ گوشتگ کہ گل بانوک ء تاج مھمد ءِ امر بیست ءُ دو سال اِنت ءُ یک گسی زالبولے۔ 14 اپریل 2026 ءَ شپ ءِ یک ءَ کیچ ءِ ھند سنگ آباد کرکی ءَ چہ گس ءَ پاکستانی پوج ءُ سی ٹی ڈی ءَ آوار جتگ ءُ بیگواہ کرتگ۔ چہ آئی آوارجنی ءَ پد آئی کھول ءَ سرپدی دیگ ءَ نہ اَنت کھول سکا جنجال اِنت۔
پانک ءَ گوشتگ کہ سمینہ بلوچ ء دوست مھمد اورناچ ءِ جاہ منند اِنت، 22 اپریل 2026 ءَ شپ ءِ نُھ ءَ چہ ھزدار ءِ ھند نال، استکلی ءَ گس ءَ پاکستانی پوج ءَ آوار جتگ۔ گوں پوج ءَ ایم آئی ھم گوں بوتگ کہ آیاں کھول آزار داتگ ءُ پد ءَ آوار جتگ۔
آئی ءَ گوشتگ کہ اے کاروائیاں لس شھری، ھاس زالبولاں نشانگ کنگ ءَ اَنت۔ اے وڑیں گامگیج نہ ایوک ءَ بنکی انسانی ھک بلکیں کانودی لوٹانی تچکیں بگیری اِنت۔
پانک ءَ گوں سرکار ءَ لوٹ کرتگ کہ پہ آیانی آجوئی ءَ دلجمی دیگ بہ بیت ءُ اے درچ زوت ھلاس کنگ بہ بیت۔ اے کار ءَ ھواریں مردم کانود ءِ رد ءَ جست گرگ بہ بنت۔
بنشون: درشان اکس: مونوگرام
