اکوام متھده ءِ زھگانی بھرگ ( یونیسیپ ) ءَ وتی شنگ کرتگیں درشانے ءَ گوشتگ که اوگانستان ءِ رودراتکی دمگاں گوستگیں زمین چنڈاں کم چه کم 700 زھگ بیران بیتگ۔
یونیسیپ ءِ رد ءَ زمین چنڈانی سوب ءَ ھزارانی کچ ءَ گس ءُ ماڑی سکا تاوان بوتگ اَنت یا سرجم ءَ تباہ بیتگ اَنت۔
آئی ءَ گوشتگ که اوگانستان ءِ زھگ چه ایشی ءَ پیش ھم جھان ءِ مستریں جنجالانی دیمپان بیتگ اَنت بلے انوں آیانی گسانی تباه بوگ ءَ اَبید انوگیں ویل ءَ آیانی ایمنی ءُ کھول ھم زوال بوتگ اَنت۔
یونیسیپ ءَ اوگان زھگانی بابت ءَ گامگیج زورگ ءُ دلگوش گور کنگ ءِ لوٹ کرتگ ءُ گوشتگ که یونیسیپ ءِ کمکی ٹولی په زمین چنڈ ءَ سانمندیں زھگاں دمگ ءِ ته ءَ ساڑی اَنت ءُ میان استمان ءَ کمک سر کنگ ءِ لوٹ ءَ اَنت.
