بلوچ لبریشن آرمی (بی ایل اے) ءِ جارکش جیھند بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل اے ءِ سرمچاراں بولان ءُ جاپرآباد ءَ دو جتاھیں کاروائیاں شھدگ بستگ ءُ زورگریں پاکستانی پوج نشانگ کرتگ۔
آئی گوشتگ کہ بی ایل اے ءِ سرمچاراں زی بیگاہ ءِ شش ءَ بولان ءِ ھند مارگٹ ءَ دو ادار ءَ گیش شھدگ بستگ گاڑی پٹ ءُ پول کرتگ انت ءُ یک شکی ئیں مردمے دزگیر کرتگ کہ پد ءَ آ یل داتگ۔
آئی گوشتگ کہ زورگریں پاکستانی پوج ءَ پہ سرمچارانی چاریگی ءَ یک کواڈ کوپٹرے کارمرز کرتگ کہ سرمچاراں آ نشانگ کرتگ ءُ تباہ کرتگ بلے لگوریں پوج چہ وتی بنجل ءَ در نہ کپتگ۔
جارکش ءَ گوشتگ کہ بی ایل اے ءِ سرمچاراں یک دگہ کاروائی یے ءَ گوستگیں شپ ءِ ادار دہ ءِ نزیک ءَ جاپر آباد ءَ کیدی شاک شپی آباد ءَ پولیس چوکی گوں دستی بمب ءَ نشانگ کرتگ۔ چہ ایشی آسر ءَ آیاں جانی ءُ مالی تاوان بوتگ
جارکش جیھند بلوچ ءَ درشان ءِ گڈی ءَ کاروائیانی زمہ واری من اِتگ۔
