آواران: مشکے ءَ پاکستانی پوج ءَ لھتیں ماہ پیش بیگواہ کرتگیں دو مردم کشتگ ءُ آیانی لاش چگل داتگ اَنت۔
زرمبش جھگیر ءِ رد ءَ کشگ بیتگیں مردمانی نام نزر اھمد ء جان مھمد ءُ الی مھمد ء ھکیم اِنت۔ نزر اھمد 23 دسمبر 2024 ءَ چہ مزار آباد مشکے ءَ پاکستانی پوج ءَ آوار جتگ ءُ بیگواہ کرتگ۔ الی مھمد یک پروری 2025 ءَ چہ مشکے ءِ میتگ کنڈری ءَ آوار جنگ بیتگ۔
دوئیں مردمانی لاش مرچی پاکستانی پوج ءَ مشکے ءَ نادراھجاہ ءَ سر کرتگ اَنت۔
