شال: زور بیگواھیں ناسر کمبرانی ءِ گھار اپشین بلوچ ءَ پہ وتی برات ناسر کمبرانی ءِ آجوئی ءَ توار چست کنگ ءِ لوٹ کرتگ۔
اپشین بلوچ ءِ گوشگ اِنت کہ آئی برات ناسر کمبرانی 17 مارچ ءَ شال ءَ چہ آئی جند ءِ گس ءَ پاکستانی لشکر ءَ آوار جتگ ءُ بیگواہ کرتگ انگت بیگواہ اِنت، آئی بابت ءَ ھچ وڑیں ھال دیگ ءَ نہ اَنت۔
آئی ءَ گوشتگ کہ چہ برات ءِ زوریں بیگواھی ءَ مئے سرجمیں کھول رنجانی دیمپان اِنت۔ پہ ناسر کمبرانی ءِ آجوئی ءَ مئے کمک ءَ بہ کن اِت۔
اپشین بلوچ ءَ میان استمانی انسانی ھکانی ادارھانی دلگوش گور کرتگ ءُ گوشتگ پہ منی برات ءِ آجوئی ءَ وتی کرد ءَ پیلو بہ کن اِت۔
