کیچ: دشت ءَ پنچ شمبے ءِ روچ ءَ زورگریں پاکستانی لشکر ءَ بیڑ برتگ ءُ شش مردم آوار جنگ ءَ پد بیگواہ کرتگ۔
چہ بیگواہ کنگ بیتگیں مردماں چار مردمانی نام لھداد ء برکت، وسیم ء بشیر، ایاز ء اھمد ءُ شکیل اھمد ءِ پکیر اَنت۔ زورگریں پاکستانی لشکر ءَ بازیں گساں بیڑ برتگ ءُ گوں ھندی مردماں زوراکی کرتگ۔
ھندی بنشون ءِ رد ءَ رد ءَِ زورگریں پاکستانی لشکر ءَ ششیں مردمانی چماں پٹی بستگ ءُ گوں وت برتگ اَنت کہ آیانی بابت ءَ ھچ وڑیں سرپدی دیگ ءَ نہ اَنت۔
چوش کہ بلوچستانءَ پاکستانی لشکر ءِ نیمگ ءَ زوریں بیگواھیانی درچ یکبرے پد ءَ تیز کنگ بیتگ کہ ھمک روچ بازیں مردمانی زوریں بیگواھگی ءِ کیس دیم ءَ پیداک اَنت۔
