بلوچستان لبریشن پرنٹ ءِ جارکش میجر گھرام ءَ ماں رسانکدر ءَ وتی شنگ کُرتگیں درشانے ءَ گْوشتگ کہ 20 دسمبر ءَ کولواہ ءِ ھند رودکان ءَ چہ گتر ءَ اتکگیں شیکانی پھازداریں پاکستانی لشکر ءِ سر ءَ سرمچاراں اُرش کُرتگ، ھنچُش کہ بلوچ ءُ پاکستان ءِ میان ءَ جنگ تیز بیان اِنت، پاکستان ھمساھگیں ڈیھانی اتکگیں مھماناں بلوچستان ءَ کار ایت کہ جنگ اِنت، چہ ایشی ءَ پاکستان بلوچ ھمساھگیں راجانی میان ءَ بد گمانی ءُ دلگرانی ودی کنگ ءِ جُھد ءَ کنگ ءَ اِنت۔ جھان زانت کہ دو دھک اِنت کہ گوں پاکستانی لشکر ءَ جنگ برجاہ اِنت۔
آئی ءَ گْوشتگ کہ بلوچستان لبریشن پرنٹ چہ اے ڈیھانی مھماناں لوٹ کنت کہ آ زوت چہ بلوچستان ءَ وتی شکار ءُ سپر ءَ ھلاس بہ کن اَنت۔
جارکش ءَ گْوشتگ کہ پہ شرپ ءُ مھمانداری ءِ بستار ءَ بلوچ راج ءَ مدام چہ ھمساھگیں ڈیھاں اتکگیں مردم وش اَتک کُرتگ اَنت بلے انیگیں جاورانی بنیاد ءَ مئے مھماناں پاکستانی لشکر ءِ ھمراھداری ءُ سرگرمیانی ھوار بیگ ءَ پیش زمینی راستی زانگ لوٹ اَنت۔ چہ ایشی ءَ نہ ایوک ءَ آیانی جند زد ءَ کیت بلکیں ھرچی بہ بیت وتی زمہ وار ھم وت بنت۔
آئی ءَ گْوشتگ کہ بی ایل ایپ بلوچ راج ءِ نیمگ ءَ مزن ھور ءُ ایوک ءَ اُمان ءُ گتر ءِ سروکاں گْوشگ لوٹ ایت کہ آ وتی مردماں بہ پھریز اَنت۔بلوچستان ءَ جاور ناگیگ بیگ ءَ اَنت، پہ ھمساھگیں ڈیھاں ھژدری اِنت کہ آ بلوچستان ءِ وتواکی ءُ راجی آجوئی جنگ ءَ سرپد بہ بنت ءُ اے جنگ ءَ ھوار کپگ ءِ جُھد ءَ مہ کن اَنت۔
میجر گھرام ءَ گْوشتگ کہ اے تچکیں کلوھے کہ بلوچستان ءَ جنگ اِنت ءُ اے میان ءَ پہ سوادیگاں شر نہ اِنت۔ ما چہ مھماناں لوٹ کن ایں کہ راستی ءَ بہ زان اَنت ءُ پاکستانی لشکر ءُ گوں آدگہ لشکری پھازداراں بلوچستان ءَ میا اَنت۔ بلوچستان ءِ آھگ ءَ پیش اود ءِ جاورانی باروا سرپد بہ بنت۔
جارکش ءَ گْوشتگ کہ بلوچستان لبریشن پرنٹ بلوچ راج ءِ راجی آجوئی،مردمانی ھک ءُ پہ بنکی انسانی آجو کنگ ءَ دلجم اِنت۔ دو دھک بیت کہ مئے سرمچار گوں جوانمردی ءَ پہ وتی سرڈگار ءُ مردمانی رکینگ ءَ گوں زورگریں پاکستانی لشکر ءَ جنگ کنگ ءَ اَنت۔ ما پہ زانت وتی مھمانان ءَ اے جنگ ءَ پیادگ کنگ ءُ وت ءَ چہ تاوان ءَ رکینتگ۔
آئی ءَ گْوشتگ کہ چہ گتر ءُ اُمان ءِ سروکاں لوٹ کن ایں کہ آ بلوچ ءُ اَرب ءِ میان ءَ دودمان ءُ راجدپتری رشتھاں سرپد بہ بنت ءُ وتی مردماں زورگِپتیں بلوچستان ءَ پہ شکار ءُ سپر ءَ راہ مہ دیئنت۔
جارکش ءَ گْوشتگ کہ بلوچستان لبریشن پرنٹ چہ ھمساھگیں ڈیھانی سروکاں لوٹ کنت کہ جنگ ءِ میان ءَ بلوچستان ءَ میا اَنت۔
آئی ءَ گْوشتگ کہ اے یک پیشدارگی اُرشے بیتگ،ایوک ءَ پاکستانی لشکر ءِ گاڑی نشانگ کنگ بیتگ اَنت۔پہ زانت مھمان تاوان نہ داتگ اَنت، بلے بلوچستان جنگی جاورے ءَ گْوزگ ءَ اِنت،ھمساھگیں ڈیھ بلوچستان ءَ سپر ءُ شکار ءَ میا اَنت کہ بلوچ سرمچار ءُ پاکستان ءِ ناشریں لشکر ءِ میان ءَ جنگ ءَ آیاں تاوان بہ بیت ءُ براس داری رشتہ ھراب مہ بنت۔
میجر گھرام ءَ گْوشتگ کہ بلوچستان لبریشن پرنٹ پہ اے دمگ ءِ ایمنی، سلامتی ءُ پہ بلوچستان ءِ آجوئی ءَ گوں مزن ھور ءَ ھواری ءَ کار کنگ ءِ لوٹ ءَ کنت۔انیگیں جاوراں ابید براس داری ءِ برجاہ دارگ ءِ کول ءَ کن ایں۔
