اوگانستان ءَ 3 روچ ءِ جنگ بندی ھلاس بیگ پد ھلمند ءَ تالبان ءُ اوگانی لشکر ءِ میان ءَ ترندیں جنگ ءُ چوپانی رِد بندات بیتگ۔
ھلمندءِ سرکاری جارکش اتا اللہ اوگان ءَ گوشتگ کہ جنگ بندی وھد ءِ ھلاس بیگ ءَ پد گوستگیں روچ ءَ تالبان ءُ اوگان لشکر ءِ میان ءَ پد ءَ جنگ بندات بیتگ۔
تالبانءَ ھلمندءِ بنجاھی شھر لشکرگاہ ءِ کش ءُ گْوراں بازیں پانگسانی سرا اُرش کُرتگ۔
دومی نیمگ ءَ تالبان ءِ جارگش ذبی اللہ مجاھد ءَ گوشتگ کہ مئے سرا دروگیں بھتام جنَگ بیگ ءَ اِنت جنگ اوگانی لشکر ءَ بندات کُرتگ۔
ھَندی واکدارانی ردءَگوستگیں روچ ءِ اُرشاں 21 تالبان کارمند بیران بیتگ۔
