بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانےءَ گوشتگ کہ 23 پروری 2025 ءَ بی ایل ایپ ءِ سرمچاراں اھوتی ھالے ءِبنیاد ءَبلوچستان ءِ دمگ واشک ءِ ھند سلام بیک ءَریاستی سروکی ءَ کارکنوکیں کشندہ ٹولی ءِ نزیکیں کارمند میر ایوب آلم ملازھی کشتگ ءُ آئی سلاہ برتگ۔
آئی ءَ گوشتگ کہ ایوب ملائی زھی باز سال اِنت پہ ریاست ءَ کار ءَاِنت۔ آ وتن دوستیں بلوچانی آوار جنگ ءُ زوریں بیگواھی ءِ وڑیں بلوچ بگیریں کاراں گون بیتگ۔
جارکش ءَ گوشتگ کہ ایوب ملازھی مزنیں وھدے بیت کہ کشندہ ٹولی ءِ نزیکیں کارمند شاھد ملازھی ءِ گون ءَ ھواری ءَ دمگ ءَ بلوچ دژمنیں ریاستی لشکرکشی شوندات ءُ کاراں مزنیں کردے پیلو کنگ ءَ بیتگ۔ آھمے ھند ءَ کشندہ ٹولی ءِسلاہ بندیں کارانی سروکی ءَ کنگ ءَ بیتگ ءُ بلوچ سرمچارانی بگیریءَ کارکنگ ءُ ھندی شرپمندیں مردمانی بلیک میل کنگ ءُ ترسینگ ءَ بیتگ۔
آئی ءَ گوشتگ کہ شاھد ملازھی ءُ ایوب ءِ میان ءَ ایرادگری ءَ پد ریاستی ادارھاں ایوب ملازھی ءَ بلوچ زرمبشت ءِ بگیری ءَ جتائیں یک سلاہ بندیں ٹولی یے ءِ زمہ واری داتگ ءُ ایشی سروکیءَ اے ٹولی ھاران ءُ واشک ءَ ھوار کِر ءُ کشانی ھنداں وتی نیٹورک ءَ سر کنگءَ اَنت۔
جارکش ءَ گوشتگ کہ بی ایل ایپ ءِ انٹیلی جنس ءِ ٹولی ءَ وتی چم سک داشتگ اَنت ءُکاروائی ءَ پیش ھمے دلجمی داتگ کہ ارش ءَ کودکیں زھگ ءُ جنیناں ھوار آدگہ مردماں تاوان نہ بیت۔
میجر گھرام ءَ گوشتگ کہ بی ایل ایپ گوں لس مردماں لوٹ کنت کہ چہ ایوب ملازھی ءِ وڑیں بلوچ دژمنیں ناشرکارانی چیردستی ءَ کارکنگ ءَ ابید چوشیں ناشرکارانی بجار ءَ سرمچارانی گون ءَکمک بہ کن اِتءُ بلوچ چاگرد ءِ تہ ءَ راجدروہ، نشہ بھاکنوک، دزءُ لٹءُ پلیں ناشرکارانی ھلاس کنگ ءَ وتی راجی زمہ واری ءَ پیلو بہ کن اِت۔
