پنجگور: پہ بلوچ راجی مچی ءِ کاروان ءِ وش آتک ءَ ھزارانی کچ ءَ مردم آتکگ اَنت، چہ مردمانی مچی ءَ بلوچ یکجھتی کمیٹی ءِ سروک ڈاکٹر ماہ رنگ ءَ تران کرتگ ءُ گوشتگ کہ بلوچ راج ءَ پیش داتگ کہ آتئی تیرانی دیمپان بنت بلے نہ اوشت اَنت۔ ھما مردماں گوشتگ کہ پاکستان ریاست ءِ بگیری ءَ بلوچ رزمبشت سوبمند نہ بیت، ھمایاں گوشتگ کہ سر ءُ سنگ میڑینگ نہ بنت آیان ءَ ما گوشگ لوٹ آں کہ بلوچ اے وڑیں ھزارانی کچ ءَ سر ودی کنت کہ آ سنگاں پروش اَنت۔ اے مئے ایمان اِنت کہ ما سنگ ءَٹکر ٹکر کن ایں۔
آئیءَ گوشتگ چوشیں لبز نیست کہ بلوچ راج ءِ توکل ءُ نہ ترسی ءَ درشان بہ کنت۔ گوستگیں دو ھپتگ بیت کہ ریاست ءَ گوادر انگر کرتگءُ ریڈ زون گوشتگ۔ وتی درسیں زور چکاسگ اتگ اَنت، چہ ایشی ءَ ابید شما پیش داشتگ کہ گوادر پما نہ بلکیں پہ ریاست ءَ ریڈ زون اِنت۔ بلے اے مئے ماتیں وتن اِنت۔ ھر پیمیں زوراکیا نی اوپار کنگ ءَ ابید بلوچ راج ءَ ھمے پیش داشتگ کہ مارا ھچ پیمیں زور دچہ گوادر ءَ سر بوگ ءَ داشت نہ کنت۔
ڈاکٹر ماہ رنگ ءَ گوشتگ کہ شھیدانی رتکگیں ھون مئے رھشونی ءَ کنگ ءَ اَنت ءُ مارا آیانی دیستگیں واب پیلو کنگ لوٹ اَنت کہ آیاں وتی ندر بوگ ءِ وھد ءَ ھمے وتن ءُ سرڈگار ءِ باروا جیڑ اتگ۔
آئی ءَ گوشتگ کہ مارا ھمے ھم پتی ھمے وڑ ءَ برجاہ دارگی اِنت ءُ گس گس ءَ روگ ءُ مردم سرپد کنگی اَنت۔ چہ ریاست ءِ زوراکیاں ابید بلوچ ءَ ھمے پیش داشتگ کہ آ یک باسما ءُ مھکمیں راجے اِنت۔
ڈاکٹر ماہ رنگ ءَ گوشتگ کہ پنجگور ءَراجی مچی ءَ ھوار بوتگیں مردماں مرچی ھمے کول کرتگ کہ آ وتی شھیدانی ھوناں زوال بوگ ءَ نیل اَنت۔
