ھزادر ءِ ھند زھری ءَ چہ پاکستانی پوج ءِ جنگی بالیگرابانی بمبگواری ءَکم چہ کم چار مردم بیران ءُ باز مردم ٹی بیتگ اَنت۔
بنشون ءِ رد ءَ ارش مرچی تراسانی ءِ نزیک ءَ بیتگ کہ بیران بیتگیں مردمانی کچ گیش بیت بلے چہ دمگ ءَ رھوتی نزام ءِ بند بوگ ءِ سوب ءَ سرجمیں ھال سر بوگ ءَ نہ اَنت۔ پاکستانی پوج ءِ ڈرونانی تر ءُ گرد یکشل ءَ برجاہ اِنت چہ ایشی ءَ مردم ترس اَنت۔
پاکستانی پوج ءِ رسانکدری بھرگ آئی ایس پی آر ءَ زی جیٹانی بمبگواری ءِگپ من اتگ ءُ ھمے ٹاپار جتگ کہ اے کاروائی ءَ بلوچ آجوئی لوٹوک نشانگ کرتگ اَنت ءُ پنچ مردم کشتگ۔
