شال: بیگواھیں بلوچانی توار ( وی بی ایم پی ) ءَ ماں رسانکدر ءَ وتی شنگ کرتگیں جارے ءَ گوشتگ کہ چو مدانی وڑ ءَ آئید ءِ روچ ءَ بلوچستان ءِ پہ ھزارانی کچ ءَ زوربیگواھیں مردمانی زوریں بیگواھی ءِ بگیری ءَ پہ آیانی آجوئی ءَ کراچی ءَ زھرشانی کن ایں۔
آئی ءَ گوں زور بیگواھیں مردمانی کھولاں لوٹ کرتگ ءُ گوشتگ کہ آ اے درچ ءَ گوں وی بی ایم پی ءِ کارگشاد سمی دین ءُ آدگہ زمہ وارانی گون ءَ رھوت بہ کن اَنت ءُ زھرشانی ءَ بھر بزور اَنت۔
آئی ءَ دیمتر ءَ گوشتگ کہ بلوچستان ءَ اے وھد ءَ ھزارانی کچ ءَ بلوچ ریاستی ادارھانی دست ءَ زور بیگواہ اَنت، اے جاورانی تہ ءَ آیانی کھول چون وتی گساں نند اَنت ءُ آئید ءَ شاتکانی کن اَنت۔ چو مدامی ئیں وڑ ءَ ما آئید ءَ پہ وتی آزیزانی آجوئی ءَ دگانی سر ءَ یا پریس کلبانی دیم ءَ زھرشانی کن ایں۔
