وائس پار بلوچ مسنگ پرسنز ءَ وتی درشان ءَ گوشتگ کہ ابدین ء اسلام ءِ کھول ءِ گوشگ اِنت کہ ادارھانی کارمنداں ابدین 19 اپریل ءِ بیگاہ ءَ چہ تُربَت کلکھوڑ دگ ءَ آوار جتگ ءُ بیگواہ کرتگ کہ آ یک دھکانے ءُ بلگتر ءِ ھند سید آباد ءِ جھمنند اِنت۔
آئی کھول ءَ زھرشانی ءَ شھدگ بستگ ءُ ابدین ءِ آجوئی ءِ لوٹ کرتگ ءُ گوشتگ کہ ابدین زوت آجو کنگ بہ بیت۔ اگاں آئی سر ءَ چونیں ھم بھتامے ھست آمیدگس ءَ پیش کنگ بہ بیت۔
وی بی ایم پی ءَ گوشتگ کہ اے کانودی ءُ راھبندی لوٹ اَنت سرکار زوت کاروائی بہ کنت ءُ آئی کھول ءَ انساپ بہ دنت۔
بنشون: درشان اکس: رسانکدر
