سر بیتگیں ھالانی رد ءَ اوگانستان ءِ راجی پھزگ ءِ کارگس ءِ رِد ءَ ماں بیست ءُ چار ادارانی تہ ءَ اوگان راجی لشکر ءِ تْرُندیں جنگی اُرشانی آسر ءَ 189 تالبانی جنگول کُشگ ءُ 138 ٹپی بیتگ۔
اوگان راجی پھزگ ءَ وتی ھمروچی ئیں ٹیوٹر جاراں گْوشتگ کہ گْوستگیں بیست ءُ چار ادارانی تہ ءَ اوگان راجی لشکر ءَ وتی تْرُندیں جنگی اُرشاں 189 تالبان جنگول کُشتگ ءُ 138 ٹپی کُرتگ۔ راجی پھزگ ءِ کارگس ءَ گیشتریں سرپدی دیان ءَ گْوشتگ کہ اوگان راجی لشکر ءَ اِے اُرش کندھار، زابُل، ھیرات، جوزجان ءُ ھِلمند ءِ ھند ءُ دمگاں کُرتگ اَنت۔
اے اُرشانانی تہ ءَ تالبان ءِ راھشون مولوی نبی اُمری ءِ مستریں زھگ ابدلھک اُمری ھم ھوست ءِ دمگ ءَ کُشگ بیتگ۔
دومی نمیگ ءَ اوگانستان ءِ پھزگی وزیر بسم اللہ اوگانستان ءِ گوریچانی دمگ ءَ آتکگ ءُ چہ تالبان ءِ دستیگ بیتگیں دمگانی آجوئی ءَ اوگان راجی لشکر ءِ ساجوئی چار اِتگ اَنت۔ زانگ بہ بیت گوستگیں روچاں اوگانستان ءَ اوگان راجی ازمکار نذر ھاشا ھم کُشگ بیتگ اَت۔
اوگستان ءَ بلوچستان ءِ ھواریں سیمسری دمگ کندھار ءَ گوستگیں روچ ءَ کُشگ بیتگیں نذر مھمد پنام ءِ ھاشا کوش ءِ بگیری ءَ چاگردی رسانکجاھاں ھم زھرشانی کنگ ءُ آئی ءِ کوش ءَ ایرجنگ ءَ اَنت۔
ھاشا گوستگیں روچاں اوگستان ءِ زرباری اُستان کندھار ءَ سلاہ بندیں مردماں آوار جتگ ءُ پد ءَ آ کُشتگ ءُ آئی ءِ لاش چگل داتگ۔
بنشون: مانیٹرنگ ڈسک/اکس :دامگ
