کراچی: سند رینجرز ءَ ڈاہ داتگ کہ ما چہ نوکیں کراچی ءَ بندیں ھمبارے ءَ مزنیں کچے ءَ سلاہ ءُ سامان دستیگ کُرتگ۔
سند رینجرز ءِ رد ءَ کراچی ءِ نوکیں کراچی ءَ یک ھمبارے ءَ مزنیں کچے ءَ سلاہ ءُ سامان دزکپتگ۔
ریجنرز ءَ بھتام جتگ کہ سلاہ ایم کیو ایم لندن ءِ باسکانی اَنت کہ کراچی ءَ لشکرکشی ءِ میان ءَ آیاں چیر داتگ اَنت۔
جارکش ءَ گْوشتگ کہ دستیگ کُرتگیں سلاھانی تہ ءَ 7 سی تیری، 3 سیون ایم ایم توہک، 3 ایٹ ایم ایم توپک، ٹرپل ٹو توپک، 6 ریپیٹرز، 10پسٹلز، 1 ریوالورے ءُ بازیں کچے ءَ تیر ھوار بیتگ،اے سلاہ آؤکیں وھد ءَ پہ ناشرکاری کارروائیاں کارمرد کنگی بیتگ اَنت۔
بنشون: سند رینجرز | اکس: سند رینجرز
