زرباری وزیرستان: لدھا ءِ ھند تنگی بدینزاھی ءَ ڈرون اُرش ءَ یکیں کھول ءِ زھگ ءُ جنیناں ھوار پنچ مردم بیران ءُ دو ٹپی بوتگ۔
اھوالکار ءِ رد ءَ بیران بوتگیں مردمانی نام بانوت ھان، رابیہ ھان، شھزیب ھان، اُزمہ ءُ راجمہ اِنت۔ بیران بوتگیں مردمانی لاش ءُ ٹپی بوتگیں مردم نادراھجاہ ءَ برگ بوتگ اَنت۔
اُرش ءَ بیران بوتگیں مردمانی بابت ءَ گوشگ بیت کہ ڈیرہ اسمائیل ھان ءِ جاہ مننداَنت چہ گیشیں گرمی ءِ سوب ءَ آیاں لڈ ءُ بار کرتگ ءُ زرباری وزیرستان ءَ شُتگ اَنت کہ دوشی سَے ءَ ڈرون اُرش ءَ نشانگ کنگ بوتگ اَنت۔
