شیکوپورہ : پاکستانی پنجاب ءِ ھند پیروز والھا ءَ سی ٹی ڈی ءُ سلاہ بندیں مردمانی میان ءَ تیرگْواری ءَ سَے سلاہ بندیں مردم کُشگ بیتگ۔ سی ٹی ڈی ءِ جارکش ءِ رد ءَ چیریں ھالے ءِ بنیاد ءَ پیروزوالھا گلشن بابر آبادی ءَ لشکرکشی کنگ بیتگ،اے میان ءَ سلاہ بنداں سی ٹی ڈی ءِ کارمندانی سر ءَ تیرگْواری کُرتگ،پسھی تیرگْواری ءَ سَے سلاہ بندیں مردم کُشگ بیتگ۔
سی ٹی ڈی ءِ رد ءَ ناشرکارانی تہ ءَ اھسان اللہ،نیامت اللہ ءُ ابدل سلام ھوار اِنت ءُ سئیں مردم اوگانستان ءِ جھمنند اَنت۔پیروز والھا باڑھی گسے ءَ بیتگ اَنت،چہ گس ءَ تراکناکیں شورہ،دستی بمب ءُ ڈیٹو نیٹر دستیگ کنگ بیتگ اَنت۔
سی ٹی ڈی ءِ جارکش ءَ گْوشتگ کہ کُشگ بیتگیں مردم پولیس،آرمی،شیھا ءُ سرکاری ماڑیانی سر ءَ اُرش ءِ شوربندی کنگ ءَ بیتگ اَنت۔گیشتر آیانی مول شیھا ملایانی نشانگ کنگ بیتگ۔
بنشون: مانیٹرنگ ڈسک | اکس: دامگ
