بلوچستان آجوئی سنگر ( بی ایل ایپ ) ءِ جارکش میجر گھرام ءَ ماں رسانکدر ءَ وتی شنگ کرتگیں درشانے ءَ گوشتگ کہ سرمچاراں 28 جنوری یک شمبے ءَ آواران ءِ لباچ ءُ کولواہ ءَ پاکستانی لشکر ءِ سر ءَ دو اُرش کرتگ، اے اُرشاں سے کارمند مرتگ ءُ سے ٹپی بوتگ۔
آئی ءَ گوشتگ کہ سرمچاراں شش ءُ پانزہ ءَ آواران ءِ ھند لباچ کور ڈاٹ ءَ پاکستانی لشکر ءِ پانگس ءِ سر ءَ گوں مزنیں سلاھاں اُرش کرتگ، اُرش ءَ یک کارمندے مرتگ ءُ دو ٹپی بوتگ۔
جارکش ءَ گوشتگ کہ ھمے وھد ءَ سرمچاراں آواران، کولواہ کنیچی ءَ پاکستانی لشکر ءِ بنجل ءِ سر ءَ اسنائپر،ایل ایم جی ءُ آدگہ مزنیں سلاھانی گون ءَ دُژمنیں لشکر نشانگ کرتگ، اُرش ءَ دو کارمند مرتگ ءُ یکے ءِ ٹپی بوگ ءَ اَبید زورگریں لشکر ءَ مالی تاوان بوتگ۔
میجر گھرام ءَ اُرشانی زمہ واری منّ اتگ ءُ گوشتگ کہ ما یک رندے پد ءَ مردمانی گون ءَ لوٹ کن ایں کہ آ ریاستی زورگپتی ءِ گچینکاری ءَ بھر مہ زور اَنت۔ زورگریں لشکر ءِ ھواری ءَ آئی کمکار مئے سرمچارانی نشانگ ءَ اَنت۔
