شال: پاکستانی پوج ءِ دست ءَ زوربیگواھیں ھدیجہ بلوچ ءِ زوریں بیگواھی ءِ بگیری ءَ زھرشانی نندانک ءَ ھشت روچ اِنت کہ بولان میڈیکل کمپلیکس ءِ دیم ءَ برجاہ اِنت۔
ھشت روچ ءِ گوزگ ءَ ابید انگت ءَ چہ سرکار ءِ نیمگ ءَ ھچ وڑیں گامگیج زورگ نہ بوتگ۔ چہ شال ءَ ابید کھول ءَ سی پیک دگ ھم بند کرتگ۔
کھول ءِ گوشگ اِنت دانکہ ھدیجہ بلوچ آجو کنگ نہ بیت یا آمیدگس ءَ پیش کنگ نہ بیت مئے زھرشانی نندانک برجاہ بیت۔
کھول ءَ گوں بلوچ راج ءَ لوٹ کرتگ کہ اے گرانیں ساھت ءَ مئے ھمراھداری ءَ بہ کن اَنت ءُ زھرشانی نندانک ءَ بھر بہ زور اَنت ءُ پہ ما توار چست بہ کن اَنت۔
بنشون: اھوالکار اکس: اھوالکار
