کیچ ءِ ھند تجابان ءَ پاکستانی پوج ءَ بیڑ برتگ ءُ دو زالبول آوار جتگ ءُ بیگواہ کرتگ اَنت۔
زرمبش جھگیر ءِ رد ءَ زور بیگواھیں زالبولانی نام زبیدہ بلوچ ءُ زرناز بلوچ ء شپی مھمد اِنت کہ تجابان ءِ جاہ منند اَنت۔ دوشی پاکستانی پوج ءَ شپ ءِ سے ءَ چہ گس ءَ آوار جتگ ءُ بیگواہ کرتگ اَنت۔
زور بیگواھیں زبیدہ بلوچ، دولت بلوچ ء ھاجی بدل ءِ مات اِنت ءُ زرناز دولت بلوچ ءِ لوگبانک اِنت۔
دولت بلوچ ءَ پاکستانی پوج ءِ جوڑ کرتگیں کشندہ ٹولی ءِ کارمنداں 18 پروری 2026 ءَ تجابان سنگ آباد ءَ تیرگواری کرتگ ءُ کشتگ۔
چوش کہ ھمے ماہ ءَ پاکستانی پوج ءَ چہ بلوچستان ءُ کراچی ءَ چار ءَ گیش زالبول آوار جتگ ءُ بیگواہ کرتگ۔
بنشون: اھوالکار اکس: اھوالکار
