شال: وائس پار بلوچ مسنگ پرسنز (وی بی ایم پی) ءِ زھرشانی گدان ءَ شال پریس کلب ءِ دیم ءَ 6145 روچ
سرجم بوتگ۔ مرچی گل ءِ چیئرمین نسر اللہ بلوچ گدان ءَ ساڑی بوتگ۔
نسراللہ بلوچ ءَ گوشتگ کہ وی بی ایم پی یک پرایمن ءُ درسیاسی گلے گوستگیں شانزدہ سال اِنت راھبند ءُ کانود ءِ رد ءَ زوریں بیگواھی ءِ ھلاسی ءُ پہ بیگواھیں مردمانی آجوئی ءَ جھد کنگ ءَ اِنت۔
آئی گوشتگ کہ گل ءِ لوٹ سرجم ءَ راھبند ءُ کانودی اَنت ءُ مئے لوٹ تچک اِنت کہ بلوچستان ءَ ھوار سرجمیں ڈیھ ءَ زوریں بیگواھی ھلاس کنگ بہ بیت۔
آئی گوشتگ کہ وی بی ایم پی بیگواھیں مردمانی کھولانی درد ءُ جنجالاں مدام دیم ءَ آرگ ءَ اِنت دانکہ ریاستی ادارہ ءُ سرکار ءَ اے انسانی جیڑہ ءِ سر ءَ سنگین بہ بیت ءُ پہ ایشی گیش ءُ گیوار کنگ ءَ جوانیں گامگیج زورگ بہ بیت۔
بنشون: درشان اکس: وی بی ایم پی
