یونائیٹڈ بلوچ آرمی ءِ جارکش مزار بلوچ ءَ گوشتگ کہ سرمچاراں مرچی سھب ءِ ادار دہ ءُ نیم ءَ کچی ءِ بنجاھی شھر ڈاڈر ءُ سنی ءِ میانی ھند نوھشم ءَ پاکستانی پوج ءِ شش گاڑیانی کاروانے ءِ سر ءَ ھما وھد ءَ اُرش کرتگ کہ آ وتی ٹوھیں بنجل ءِ نیمگ ءَ روگ ءَ بوتگ اَنت۔ سرمچاراں کاروان ءِ سر ءَ گوں وتکاریں سلاھاں اُرش کرتگ کہ ایشی آسر ءَ یک کارمندے جاھی مرتگ ءُ دو ٹپی بوتگ۔
آئی گوشتگ کہ اُرش ءَ پد سرمچاراں چیر جنگی رپکانی بنیاد ءَ آدگہ آیوکیں کارمندانی ودار کرتگ۔ نیمروچ ءِ دوازدہ ءُ نیم ءَ پوج ءِ دگہ چار گاڑی جنگ جاہ ءَ آتکگ کہ سرمچاراں گوں سنائپر ءَ آیانی سر ءَ دومی رند ءَ اُرش کرتگ۔
جارکش ءَ گوشتگ کہ دومی اُرش ءِ آسر ءَ چار کارمند جاھی مرتگ ءُ سَے ٹپی بوتگ۔ اُرش ءِ وھد ءَ یک گاڑی یے سرجم ءَ تیرگواری ءِ زد ءَ آتکگ ءُ چپی بوتگ۔ آ گاڑی ءَ سواریں باز کارمند ٹپی بوتگ۔
مزار بلوچ ءَ کاروائی ءِ زمہ واری من اِتگ ءُ گوشتگ کہ مئے اے وڑیں اُرش داں بلوچستان ءِ آجوئی ءَ برجاہ بنت۔
بنشون: درشان اکس: زرمبش
