بلوچ وومن پورم ءِ جارکش ءَ وتی درشانے ءَ زبیر بلوچ ءِ زوریں بیگواھی ءَ بژن درشان کرتگ ءُ گوشتگ کہ آئی اسلامیہ یونیورسٹی ءَ گریجویٹ کرتگ ءُ بلوچ اسٹوڈنٹس کونسل ءِ چیئرمین بوتگ۔ 15 اپریل 2026 ءَ آئی جند ءِ پت ءُ پیروکی ھنکین ڈیرہ گازی ھان ءِ ھند بھٹہ کالونی ءَ پاکستانی پوج ءَ بیگواہ کرتگ۔ آئی بابت ءَ ھچ سرپدی دیگ ءَ نہ اَنت چہ ایشی ءَ آئی کھول سکا جنجال اِنت۔
جارکش ءَ گوں ترندیں دانکاں ایر جتگ ءُ گوشتگ کہ زوریں بیگواھی بنکی انسانی ھکانی مزنیں بگیری یے ءُ انساپ، کانود ءُ انسانی شرپ ءِ لگتمالی اِنت۔ اے وڑیں گامگیج نہ ایوک ءَ مردم ءِ نشانگ کنگ اِنت بلکیں آئی کھول ءِ مچی سزا دیگ اِنت۔
آئی ءَ گوں ادارھاں لوٹ کرتگ کہ زبیر بلوچ ءِ بابت ءَ زوت دلجمی دیگ بہ بیت ءُ پہ سلامتی یل کنگ بہ بیت۔
جارکش ءَ گوشتگ کہ بلوچ وومن پورم لوٹ کنت کہ زوریں بیگواھیءِ درچ ھلاس کنگ بہ بیت ءُ درسیں ادارہ کانود ءِ رد ءَ کاروائی بہ کن اَنت۔
بنشون: درشان. اکس: لوگو
