بلوچ نیشنل موومنٹ ( بی این ایم ) ءِ رسانکدری ءُ ربیدگی کارگشاد کازی داد مھمد ریھان ءَ وتگڑیں بلوچستان سرکار ءِ نیمگ ءَ سکا شکی ئیں مردمانی لڑا ھوار کنگ ءِ نام ءِ پژدر ءَ گوشتگ کہ پاکستان ءِ نیمگ ءَ پاکستان ءِ نیمگ ءَ شکی ئیں مردمانی لڑا منی نام ءِ ھوار کنگ یک شرپے چہ اے وڑیں ھیلھاں ھچ پیم ءَ ترس آماچ نہ آں۔ دانکہ زندگ آں بلوچ راجی آجوئی ءِ جھد ءَ وتی کرد ءَ پیلو کن آں۔ منی نام ءِ اے لڑا ھوار کنگ ءَ پاکستان ریاست منی پر ایمنیں سیاسی کاراں دارگ لوٹ ایت۔
آئی ءَ گوشتگ کہ وتی سرڈگار ءِ سر ءَ پہ وتی ھک ءُ آجوئی ءَ جھد کنگ ناشرکاری نہ اِنت، بلکیں ناشرکاریں پاکستان ریاست ھمک روچ مئے ورنایاں کشگ ءُ آیانی لاشاں چگل دیگ ءَ اِنت۔
کازی ریھان ءَ دیمتر ءَ گوشتگ کہ چہ پاکستان ءِ زوراکیاں ترس آماچ بوگ ءَ ابید مارا زانشتی بنیاد ءَ راجے ءِ بستار ءَ دیم پہ دیمی کنگی اِنت۔ بلوچ ورنا زانت، لیکہ ءُ گوں کرد ءَ راجی آجوئی جھد ءَ ھوار بہ بنت۔ ریاست پاکستان بلوچستان ءَ بے سوبین جنگے مڑگ ءَ اِنت ءُ بلوچ راج گل ءُ گوں یکشلیں جھدانی برورد ءَ ھمک روچ چہ وتی منزل ءَ نزیک بوگ ءَ اَنت۔
بنشون: درشان اکس: رسانکدر