بلوچستان لبریشن پرنٹ ءِ جارکش میجر گھرام بلوچ ءَ گوشتگ کہ سرمچاراں شش مارچ ءِ بیگاہ ءَ جاؤ ءِ ھند گزی ءَ برجائیں پاکستانی پوج ءِ چوکی ءِ پھازداری کنوکیں کارمند گوں اسنائپر ءَ نشانگ کرتگ۔ چہ ایشی آسر ءَ کارمند جاھی مرتگ۔
آئی گوشتگ کہ یک دگہ کاروائی یے ءَ چاردہ مارچ 2026 ءَ سرمچاراں تربت ءَ بالی پٹ ءِ پھازداری کنوکیں پاکستانی پوج ءِ چوکی ءِ سر ءَ دستی بمب اُرشے کرتگ۔ دستی بمب چوکی ءِ تہ ءَ کپتگ کہ چہ ایشی آسر ءَ چوکی ءَ ساڑی ئیں کارمنداں جانی ءُ مالی تاوان بوتگ۔
جارکش ءَ گوشتگ کہ ھمے روچ ءَ یک دگہ کاروائی یے ءَ سرمچاراں تُربَت ءِ شھر ءَ چوگان کنڈگ ءَ پولیس ءِ گشتی ٹولی انگیر کرتگ ءُ آیانی سلاہ پل اِتگ اَنت۔ چہ آیاں سَے سرکاری توپک گوں میگزیناں ءُ سرکاری گاڑی دستیگ کرتگ۔ گل ءَ انسانیت ءِ بنیاد ءَ دزگیر کرتگیں کارمند کڈن کرتگ ءُ یل داتگ اَنت۔
آئی گوشتگ کہ یک دگہ کاروائی یے ءَ سرمچاراں سیزدہ مارچ ءَ 2026 ءَ چاگے ءِ ھند وڈ ءَ مادن درگیجوکیں کمپنی ءِ کارمند دزگیر کرتگ اَنت۔ آیانی کر ءَ ایریں سرکاری سلاہ دستیگ کرتگ ءُ آیانی گاڑی تاوان داتگ ءُ کارمند انسانی ھمدردی ءِ بنیاد ءَ کڈن کرتگ ءُ پہ سلامتی یل داتگ اَنت۔
آئی گوشتگ کہ مادن درگیجوکین ءُ آدگہ کمپنیاں کڈن کن ایں کہ آ بلوچستان ءِ مڈیانی درگت ءَ وتی سرگرمیاں بہ دار اَنت۔ اگاں نا گڑا وتی جانی ءُ مالی تاوان ءِ زمہ وار وت بہ اَنت۔
میجر گھرام بلوچ ءَ درشان ءِ گڈی ءَ اے کاروائیانی زمہ واری من اِتگ۔
بنشون: درشان اکس: زرمبش
