چہ پنجاپ ءِ شھر ملتان ءُ بلوچستان ءِ دمگ نوشکی ءَ سی ٹی ڈی ءُ پاکستانی پوج ءَ شش بلوچ آوار جتگ ءُ بیگواہ کرتگ۔
بنشون ءِ رد ءَ چاردہ پرورہ ءَ 2026 ءَ بیگاہ ءَ سی ٹی ڈی ءَ چار بلوچ مھمد اسمائیل بزدار ء ھدا بکش، جلیل بزدار ء مھمد، مھمد لتیپ بزدار ءُ گلام دین بزدار ء ھان مھمد آوار جتگ ءُ بیگواہ کرتگ اَنت کہ آ کوہ ءِ سلیمان ءِ جاہ منند اَنت۔
کھولانی گوشگ اِنت کہ انچو روچ ءِ گوزگ ءَ پد آیانی بابت ءَ مارا ھچ سرپدی دیگ نہ بوتگ۔
بنشون ءِ رد ءَ نوشکی ءِ ھند جورکین ءَ ھپتگے پیش پاکستانی پوج ءَ دو مردم آوار رؤپ ء ھیرجان ءُ انجم ء چاکر ھان آوار جتگ ءُ بیگواہ کرتگ اَنت۔
بنشون: رسانکدر اکس: رسانکدر
