شال :پہ زور بیگواھیں مردمانی پد جنگ ءَ وائس پار بلوچ مسنگ پرسنز (وی بی ایم پی ) ءِ زھرشانی گدان ءَ 6096 روچ سرجم بوتگ کہ گل ءِ چیرمین نسراللہ بلوچ ءِ سروکی ءَ شال پریس کلب ءِ دیم ءَ برجاہ اِنت۔
اے میان ءَ جتائیں بھرگاں سیادی داروکیں مردم زھرشانی گدان ءَ اتکگ ءُ زوریں بیگواھیانی بگیری ءَ وتی زھرشانی یاداشت کتگ۔ گوں بیگواھیں مردمانی کھولاں ھمدردی درشان کتگ ءُ آیانی آجوئی ءِ لوٹ کتگ ۔
گل ءِ چیرمین نسراللہ بلوچ ءَ تران کتگ ءُ گوشتگ کہ کھول ءِ یک مردمے ءِ زوریں بیگواھی ءِ سوب ءَ سرجمیں کھول جنجالانی دیمپان بیت۔
نسراللہ بلوچ ءَ گوں سرکار ءَ لوٹ کتگ کہ درسیں بیگواھیں مردمانی آجوئی ءَ وتی کرد ءَ پیلو بہ کنت ءُ کھولاں چہ اے رنج ءُ جنجالاں در بہ کنت۔
بنشون: درشان اکس: وی بی ایم پی
