بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ وتی شنگ کرتگیں درشانے ءَ گوشتگ کہ بی ایل ایپ ءِ بھرگ سدو آپریشنل بٹالین ( سوب ) ءِ سرمچاراں 30 نومبر ءِ شپ ءَ ھشت ءُ نوزدہ ءَ نوکنڈی ءَ پاکستانی پوج ءِ ھیڈکوارٹر ءِ سر ءَ ارش کرتگ ءُ تہ ءَ پترتگ اَنت ءُ کمپاؤنڈ ءِ میان ءَ سیندک ءُ ریکوڈک ءِ کھنانی لٹ ءُ پلی شوربندی ءِ دری انجینئرانی کارگس ءُ گسانی کمپاؤنڈ دستیگ کرتگ۔
آئی ءَ گوشتگ کہ بی ایل ایپ ءِ بھرگ ءَ داں سی ءُ شش اداراں گوں زورگر دژمنیں پوج ءَ نہ ترسی ءُ جنگی بودناکی ءَ جنگ کرتگ ءُ سیندک ءُ ریکوڈک شوربندیانی بازیں دری انجینئر دزگیر کرتگ۔
میجر گھرام بلوچ ءَ گوشتگ کہ نوکنڈی آپریشن سوب ءِ سرمچار وتی نشانگیں جاھاں سر بوگ ءَ سوبین بوتگ اَنت ءُ داں سی ءُ شش اداراں برگیڈ ھیڈ کوارٹر دستیگ کرتگ ءُ زورگریں پوج ءَ باز تاوان داتگ۔ نشانگاں سر بوگ ءَ پد آپریشن ھلاس بوتگ۔ بی ایل ایپ ھمے ٹولی ءَ آپریشن ءِ سوبمند کنگ ءِ بابت ءَ سدو آپریشنل بٹالین ءِ درسیں شھیداں دروت ءُ ستک شانی ندر کنت۔
