کلات ءِ جاہ منندیں ورنا پاکستانی پوجءِ دست ءَ زور بیگواھیں سید انس شاہ ءِکھول ءَ وتی شنگ کرتگیں درشانے ءَ گوشتگ کہ سید انس شاہ13 جون ءَ چہ شال ءَ کلات ءَ وتی گس ءَ آھگ ءَ بوتگ کہ پاکستانی پوج ءَ آوار جتگ ءُ بیگواہ کرتگ۔ آئی زوریں بیگوھی ءَ شش ماہ ءَ گیش اِنت کہ انگت ءَ آئی ھچ وڑیں ھال نیست۔
کھول ءِ گوشگ اِنت کہ انس شاہ یک کسان سالیں نودربرےءُ آ بے میار اِنت بس تھنا پہ بلوچ بوگ ءِ بنیاد ءَ آوار جنگ بوتگ۔
آئی ءَ گوشتگ کہ انس شاہ ءِ سر ءَ چونیں ھم بھتامے ھست گڑا آمیدگس ءَ پیش کنگ بہ بیت ءُ آئی میارباری گوشگ بہ بیت، اے وڑ ءَ زوریں بیگواھی کھول ءِ پریشان کنگ ءَ ھوار میان استمانی کانود ءِ بگیری اِنت۔
کھول ء گوشتگ کہ اگاں انس شاہ زوت آجو کنگ نہ بوت ما لاچار ایں کہ زھرشانی کن ایں۔
