پنجگور: یک مئی ءَ زورگریں پاکستانی لشکر ءِ دست ءَ زور بیگواہ کنگ بوتگیں ورنا ابدالمجید ءِ کھول ءَ آئی آجوئی ءِ لوٹ کرتگ۔
کھول ءِ گوشگ اِنت کہ اَبدالجمید پنجگور ءِ ھند سوردو ءِ جھمنند اِنت کہ پاکستانی لشکر ءَ یک مئی 2023 ءَ آوار جتگ ءُ بیگواہ کرتگ انگت بیگواہ اِنت۔
آئی گوشگ اِنت کہ اَبدلمجید ءِ زوریں بیگواھی ءَ ھپت ماہ سرجم بوتگ آئی ءِ بارو ءَ مارا ھچ وڑیں ھال دیگ نہ بوتگ کہ چون ءُ کج ءَ اِنت۔ مارا پہ آئی تاوان دیگ ءَ ترس اِنت۔
کھول ءَ گوں سرکار ءُ مردمی ھکانی ادارھاں لوٹ کرتگ ءُ گوشتگ کہ اے جیڑہ ءِ بارو ءَ پٹ ءُ پول کنگ ءُ پہ اَبدالمجید ءِ آجوئی ءَ دلجمی دیگ بہ بیت۔
