کیچ: مند ءَ پجار نہ بیتگیں مردماں پدا رند ءِ گِس ءَ دستی بمب اُرشے کُرتگ۔
بنشون ءِ رد ءَ دوشی شپ ءِ دہ ءُ نیم ءَ پجار نہ بیتگیں مردماں پاکستانی لشکر ءِ ھندی کشندہ ٹولی ءِ سروک پِدا رند ءِ گس ءِ سر ءَ دستی بمب اُرشے کُرتگ۔ اُرش ءَ کُشندہ ٹولی ءِ یک کارمندے ءِ ٹپی بیگ ءِ ھال اِنت۔
ھما اِنت کہ پاکستان ءِ وتگڑیں گچینکاری نزیک بیان اَنت، ھمک ھما مردم کہ پاکستان ءِ گچینکاریانی بھر اِنت نشانگ کنگ بیگ ءَ اَنت۔اے میان ءَ ھرچی اُرش کہ بیتگ انگت ایشانی زمہ واری کَس ءَ نہ زرتگ۔
زیکیں روچ ءَ تربت ءَ دمگی گچینکاری بنجاہ ءِ سر ءَ دستی بمب اُرشے بیتگ اَت ءُ سلاہ بندیں مردم کارگس ءِ تہ ءَ گْوستگ اِت اَنت کہ دو نیمگی تیرگْواری ءَ یک پولیس کارمندے مُرتگ اَت ءُ سلاہ بنداں پولیس کارمندانی سلاہ ءُ سامان دستیگ کُرتگ ءُ گوں وت بُرتگ اِت اَنت بلے اے اُرش ءِ زمہ واری انگت کس ءَ نہ زُرتگ۔
