برتانیہ: بلوچ نیشنل موومنٹ ( بی این ایم ) ءِ نیمگ ءَ سرپدی تکشام ءِ پارست ءَ زی آکسپورڈ ءَ ھم گدان جنگ ءُ پنتاک بھر ءُ بانگ کنگ بیتگ۔
اے پروگرام بی این ایم یوکے چیپٹر ءِ نیمگ ءَ بیتگ کہ آیاں بلوچستان ءَ زورگریں پاکستانی لشکر ءِ دست ءَ زور بیگواھیں مردم ءُ بلوچ یکجھتی کمیٹی ءِ سروک کہ درکانودی دزگیر کنگ بیتگ اَنت آیانی اکس دستاں بیتگ ءُ بلوچستان ءَ پاکستان ءِ زوراکیانی بابت ءَ مردماں سرپدی دیگ ءَ بیتگ اَنت۔
بی این ایم ءِ باسکاں آکسپورڈ ءِ شھر ءَ بازیں کچے ءَ پنتاک بھر ءُ بانگ کرتگ ءُ اود ءِ جاہ منندیں مردمان ءَ بلوچستان ءَ پاکستانی لشکر ءِ زوراکیانی بابت ءَ سرپدی داتگ۔
چوش کہ بی این ایم ءِ نیمگ ءَ بندات کنگ بیتگیں تکشام داں 29 اپریل ءَ برجاہ بیت۔
