بلوچ راجدوستیں رھشون ھلیل بلوچ ءَ گوشتگ کہ بلوچ آجوئی لوٹوک ءُ آیانی ھمپگریں لس بلوچ چہ دو دھکاں پاکستانی پوج ءِ چیر دست، ناھکیں چکچینی ءُگوں مچی سزا ءَ دچار اَنت، بلے نوں ریاستءُ ریاستی آئینءِ تہ ءَ جھد کنوکاں ھم ریاست نشانگ کنگ ءَ اِنت۔بی این پی ءِمچی نشانگ کنگ ءَ ریاستی ناشرکاریءَ ایر جن ایں۔ گوں ایشی ءَ ھوارپہ پارلیمان ءِ گچین کنوکیں بھرگ ءَ یک تچکیں کلوھے کہ بنکی آسراتیانی لوٹ ءَ کن ئے یا آجوئی، ریاست ءَ دوئینانی نھاد کرتگ اَنت۔ پمشکا زانوگر ءُ راجی دیمروئی ھمیش اِنت کہ پارلیمانی سیاست ءِ منوگر یکبرے پد ءَ وتی کار ءُ راہ ءَ چمشانک بدے اَنت۔
آئی ءَ گوشتگ کہ سردار اکتر مینگل بہ بیت آئی پت بلوچ راج ءِ آیانی سر ءَ مزنیں اوستے بندوک اِنت بلے سردار مینگل ءَ مدام گوشتگ کہ مئے سلاہ ءِ گپ پاکستان گوں لشکری زور ءَ ھلاس کرتگ اَنت۔ پہ مئے شرپ ءِ ھلاس کنگ ءَ آئی وتی دودمان برجاہ داشتگ۔
ھلیل بلوچ ءَ گوشتگ کہ بی این پی ءِ مچی ءِ نشانگ کنگ ءَ آئی ھمے گپ تچک کرتگ کہ پوج ءِ منشا ءُ پوج ءِ دیم ءَ سر جھل کنوکیں وتگڑیں سیاستداناں ابید آدگہ درسیں سیاسی بنشونانی کار گرگ ءِ آسر مرگ اِنت۔ وھدے کہ ریاست ءِ وتی شوربندی تچک اِنت آ ریاست ءَ نہ راجدپتر نہ آئی ءَ دودمانی پژدر ھست گڑا بلوچ چی ءَ آئی گڑ ءُ منج ءِ آماچ بہ بیت، بلوچ یک کاملیں راجے، یک سرڈگار ءُ کوھنیں راجدپترے ءُ زندگیں زرمبشتے ءِ واھند اِنت۔ مئے دیم ءَ یک تچکیں باندات ءُ شرپمندیں آجوئی یے ۔ اگاں اے تچکیں راستیاں ابید بلوچ راجی جنز ءِ چپ ءَ روک تاوان ور اَنت۔
