شال : پہ زور بیگواھیں مردمانی پد جنگ ءَ وی بی ایم پی ءِ برجاھیں زھرشانی گدان ءَ 5850 روچ سرجم بوتگ۔ نیاز نیچاری ءِ گوشگ اِنت بیگواھیں ابدلگنی ءِ کیس کمیشن ءُ بلوچستان سرکار ءَ دیگ بوتگ۔
اے بابت ءَ وی بی ایم پی ءَ وتی شنگ کرتگیں درشانے ءَ گوشتگ کہ زور بیگواھیں ابدلگنی کیس گل ءِ نیمگ ءَ پہ زور بیگواھیں مردماں جوڑ بوتگیں کمیشن ءُ بلوچستان سرکار ءَ دیگ بوتگ۔
آئی ءَ گوشتگ کہ وی بی ایم پی ھمے اوست ءَ دار ایت کہ بلوچستان سرکار ءُ کمیشن ابدلگنی ءِ کھول ءَ ڈیھ ءِ کانود ءِ رد ءَ زوت انساپ دیگ ءَ وتی کرد ءَ پیلو کن اَنت ءُ کھول ءَ چہ اے گرانیں گم ءَ کش اَنت۔
