سندھودیش روولیوشنری آرمی (ايس آر اے) ءِ جارکش سوڈو سندی ءَ ماں رسانکدر ءَ وتی شنگ کرتگیں درشانے ءَ گوشتگ کہ ایس آر اے دوشی گدوچاراہ ھسن آباد، ھیدر آباد ءِ نزیک ءَ پنجاپ ءَ روکیں ٹرین ءِ سر ءَ تیرگواری ءِ زمہ واری من ایت۔ چہ ایشی باز پنجاپی ٹپی بیتگ۔
آئی ءَ گوشتگ کہ پاکستانی پنجاپی ریاست ءُ آئی لشکر سند ءَ وتی کالونی سرپد بوگ ءُ سند ءِ زمینی کچ ءُ کساس، مڈی، ڈگارانی ھواری ءَ زندمان ءِ ھمک بنکی مڈی ءُ بنشونانی سرءَ زورگپت اِنت۔ نوں آئی مئے شھرگ ءُ راجی پجار سند ءِ شھکور سرجم ءَ دستیگ کرتگ ءُ مارا پہ مدامی نیستءُ نابود کنگ لوٹ ایت۔
جارکش ءَ گوشتگ کہ ما پنجاپ زورگر ءَ تچکی ءَ گوش ایں کہ سند شھکور سندی راج ءِ پجار اِنت، امانت ءُ مڈی اِنت۔ ایشی ھر پیم ءَ پھازداری ءُ دیمپانی ءَ کن این ءُ پہ آئی داں گڈی آسر ءَ رویں۔
سوڈو سندی ءَ گوشتگ کہ ایس آر اے وتی گھگیری جنگ ءَداں سند ءِ سرجمیں آجوئی ءَ برجاہ دارگءِ کول ءَ کنت۔
