بلوچستان لبریشن پرنٹ ( بی ایل ایپ ) ءِ جارکش میجر گھرام بلوچ ءَ ماں رسانکدر ءَ وتی شنگ کرتگیں درشانے ءَ گوشتگ کہ بی ایل ایپ ءِ سرمچاراں بیست ءُ دو اپریل ءِ بیگاہ ءِ پنچ ءَ ھاران ءِ ھند گواش ءَ سی پیک دگ گلگ دوراھی ءَ دگ بستگ ءُ ھمے میان ءَ گاڑی پٹ ءُ پول کرتگ اَنت گوں مردماں تران کرتگ۔
آئی ءَ گوشتگ کہ سرمچاراں دگ ءِ بندگ ءِ میان ءَ دو بوزر گاڑی داشتگ ءُ چہ ڈرائیور جست ءُ پرس کرتگ۔ چہ جست ءُ پرس ءَ ھمے سرپدی رس اتگ کہ اے گاڑی پہ زاتی کاراں کارمرز بنت ءُ پہ ریاستی شوربندی یا لشکر ءَ کارمرز بوگ ءَ نہ اَنت، گڑا گاڑیان ءَ ھچ وڑیں تاوان نہ داتگ ءُ یل داتگ اَنت۔
میجر گھرام ءَ گوشتگ کہ دگ ءِ بندگ ءِ میان ءَ سرمچار گوں وتی شھرمننداں پہ شرپ پیش بیتگ اَنت ءُ مساپر ءُ ڈرائیوراں دگ بندی ءِ میان ءَ شریں وڑے ءَ کمک کرتگ۔
