بلوچ قوم پرست رہنما اور بلوچ ریپبلکن پارٹی کے چئیرمین نوابزادہ براہمدغ بگٹی نے اسلام آباد میں بلوچ خواتین اور بچوں پر پولیس تشدد کی شدید الفاظ میں مذمت کرتے ہوئے کہا ہے کہ اسلام آباد میں بلوچ مظاہرین پر جارحیت اور حملہ ریاست کی جانب سے بلوچ عوام پر مسلسل ہونے والے جارحیت و نفرت کو عیاں کرتا ہے۔
انھوں نے مزید کہا ہے کہ پاکستان کی فوجی اشرافیہ کو یہ نہیں بھولنا چاہیے کہ تشدد سے قومی تحریکوں کو ختم نہیں کیا جاسکتا۔
بلوچ رہنما نے کہا ہے کہ ریاست نے ماضی میں جس بربریت کا مظاہرہ بنگلا دیش میں کیا تھا آج وہ سب بلوچستان میں دھرایا جارہا ہے۔ نہتے خواتین اور بچوں پر ریاستی جارحیت ان کے شکست اور بھوکلاہٹ کا واضع ثبوت ہے۔
