لاہور ڈی آئی جی شارق جمال لاہور کے علاقے ڈی ایچ اے میں واقع گھرمیں رات گئے مردہ پائے گئے، ذرائع کا کہنا ہے کہ نعش کو پوسٹ مارٹم کیلئے ڈیفنس ہائوسنگ اتھارٹی میں واقع ایک نجی ہسپتال منتقل کر دیا گیا ہے۔ موت کے وقت شارق جمال گھر میں اکیلے تھے۔ بتایا جارہاہے کہ وہ اپنے 2 ملازمین کو کام سے گھر سے باہر بھیجا تھا۔ جیسے ہی ملازم گھر واپس آئے تو ڈی آئی جی کو مردہ پایا جس کے بعد پولیس کو اطلاع کی گئی۔ ذرائع کا کہناہے کہ ڈی آئی جی شارق جمال کے اہل خانہ دوسرے گھر میں موجود تھے۔ پولیس نے موت کے اصل حقائق جاننے کے لیے تحقیقات شروع کردی ہیں۔
