ریڈیو زْرمبش براہوئی | ریڈیو زْرمبش براہوئی,Zabiullah-mujahid-rejects-pakistan’s-claim-that-attackers-of-chethral-came-from-Afghanistan-

اوغانستان نا طالبان حکومت چترال ئٹی پاکستانی لشکر آ تحریکِ طالبان پاکستان (ٹی ٹی پی) نا جلہو ئٹی اوغان سرزمین نا کارمرز مننگ نا تردید ئے کرینے۔

جمعہ نا دے طالبان حکومت نا ترجمان ذبیح اللہ مجاہد بی بی سی پشتو ئے تروکو اسہ انٹرویو ئسیٹی پارینے کہ ٹی ٹی پی نا چترال ئٹی سیمی علاقہ آ جلہو ئٹی اوغان سرزمین کارمرز متنے۔

پاکستانی لشکر پارینے کہ شش ستمبر آ ضلع چترال ئٹی پاک اوغان نا خڑک کیلاش نا عیلاقہ ٹی لشکری چوکی تیا دہشت گرد آتا اسہ بھلو ٹولی ئس بھلا سلاء تیٹ جلہو کریسس، ہراڑکن اوغان سرزمین کارمرز کننگانے۔

پاکستان نا دا بیان آ ذبیح اللہ مجاہد پارینے کہ او کس ئے تینا ہمسایہ و ایلو ڈیہہ تا برخلاف اوغان سرزمین ئے کارمرز کننگ نا موکل تفسہ۔

ذبیح اللہ مجاہد نا پاننگ ءِ کہ ہمسایہ ڈیہہ ئے تینا ڈیہہ ئٹی عدم تحفظ نا ویل آتے ایسر کروئی ءِ و بائدے اوغانستان آ باریم ئے تخپس۔