تحریک طالبان پاکستان پارینے کہ پاکستانی لشکر جنگ بندی نا برخلاف ہننگ ءِ۔ ننا نرمی ءِ نزوری تکنگ ءِ۔
ٹی ٹی پی محمد خراسانی بیان اس شینک کریسہ پارینے کہ 19 اگست جمعہ نا دے قطبی وزیرستان نا ہند شپین وام ئٹی ناپاک فوج ساڑی آ گپ تران نا بھرم ٹی مروکا جنگ بندی نا برخلاف ہنسہ ننا سنگت آتا چھاپہ خلک و ننا اِرا سنگت خبیب عرف بلال و خیرخواہ ءِ شہید کرے و ظلم ئنا زی آ دا ظلم کہ جون تے خاہوت آتے ہم تننگ اف۔
ترجمان پارے کہ نن وار وار آ وضاحت کرینن کہ نن جنگ بندی نا شرف ءِ کرینن و بیرہ رکھ ئنا کچ اسکان کاروائی کرینن و فوج برجائی ئٹ خلاف ورزی کریسہ بسُنے۔
ترجمان پارے کہ الس نا سوب ننا آسرستی ءِ نزوری تکِّپس، اگہ اینو آن گڈ دونو کاروائی اس کریر گڑا اونا بھرم نا زمہ وار فوج مرو۔
