تربت ئٹی تاریخی پہیہ جام ہڑتال، شہر و خُڑک ئنا ہند آتیٹی ٹائر ہُشِنگانے و کسر آتے بلاک ہننگانے۔
بلوچ یکجہتی کمیٹی نا کال آ بالاچ مولا بخش و ایلو بیگواہ آتا دزگیری ٹی خلنگ نا برخلاف اینو تربت و ہیب کھیب ئنا ہند آتیٹی تیبہ شٹرڈاؤن و پہیہ جام ہڑتال برجاء ءِ۔ پہیہ جام ہڑتال ئے سہُبمند کننگ کن سی پیک کسر تون اوار تہہ ئنا کسرتے، کیچ کور پل، آپسر ڈھنک، گوکدان، بہمن، ایئرپورٹ چوک، نیشنل بینک چوک تون اوار ایلو کسرتے بند کننگانے۔
یاتی مرے کہ اینو شش دے آن پد ہم شہید بالاچ مولابخش نا جون ئے شہید فدا چوک آ تخِسا برانز گدان ئس اڈ تننگانے و اینو تیبہ پہیہ جام ہڑتال آن بیدس شہید فدا چوک آ ہزار آتا کچ ئٹ بندغ آک مُچ مسنو ہرافتیٹی نرینہ، زالبول و چُناک ہم اوار ءُ۔
